Дональд Трамп Эронга қарши АҚШ президентининг ижроия фармойишлари билан 1995, 2010 ва 2012—2013 йилларда киритилган санкциялар муддатини узайтирди, деб ёзади «ТАСС».
Санкциялар навбатдаги бир йиллик муддати тугайдиган 2018 йил 15 мартдан бошлаб яна бир йилга узайтирилган. Санкциялар муддатининг узайтирилиши сабаблари сифатида «Эрон ҳукуматининг хатти-ҳаракатлари ва сиёсати, шу жумладан, баллистик ракеталарнинг ишлаб чиқилиши, халқаро терроризмнинг қўллаб-қувватланиши ва инсон ҳуқуқларининг бузилиши» тилга олинган.
Айни вақтда, Теҳрон ва халқаро воситачилар олтилиги (Россия, Хитой, АҚШ, Франция, Германия, Буюк Британия) ўртасидаги Кенг қамровли ҳаракатлар режасига мувофиқ, ядро дастури бўйича Эронга қарши санкцияларнинг бир қисмини олиб ташлаш режими давом этади.
Изоҳ (0)