Ўрта асрлар ишқибози бўлган швейцариялик эркак ўз қизидан руҳларни ҳайдашга уриниш чоғида уни ўлгунича калтаклашда айбланди. Бу ҳақда Daily Mail хабар берди.
Ҳодиса Вагенхаузен кантонида юз берган. Хабар қилинишича, 25 ёшли Ванесса ва унинг отаси Клаус янги 2016 йилни бирга нишонлаган. Қиз ўз отаси билан 23 ёшида танишган, чунки уни ёлғиз ўстирган онаси Клауснинг кимлигини қизига айтишни хоҳламаган. Ота ва қиз кўришганидан сўнг улар орасида жанжал келиб чиққан.
Ота қизнинг жаҳлдорлиги унинг савдойилиги билан боғлиқлигини айтган ва ундан жинларни ҳайдашга қарор қилган. Бунинг учун у қизини яланг оёқ билан массаж қила бошлаган. Қиз қаршилик қила бошлаганда, ота уни бир неча марта мушт билан урган ва қорнига тепган, бу қизда ички қон кетишни ва ичак ёрилишини келтириб чиқарган.
Жароҳатларига қарамасдан, қиз душга борган ва у ерда ҳушини йўқотган. Ота унга ёрдам беришга уринган, бироқ шифокорларни чақиришга анча кеч бўлган.
Изоҳ (0)