Ақтўбеда 52 нафар ўзбекистонликнинг ҳалок бўлиши бўйича ишда автобус эгаси ҳам текширилмоқда

Қозоғистоннинг Ақтўбе вилоятида 52 нафар ўзбекистонликнинг ҳалок бўлиши бўйича ишда омон қолган ҳайдовчилардан ташқари автобус эгаси ҳам текширилмоқда. Бу ҳақда вилоят коммуникациялар марказида йил якунларига бағишлаб ўтказилган матбуот анжуманида маълум қилинди, дея хабар беради «Podrobno.uz».

«Ёниб кетган автобус бўйича жиноий иш Қозоғистон ички ишлар вазирлиги тергов гуруҳи томонидан текширилаётганини яна бир бор айтиб ўтмоқчиман. Фақат мазкур иш доирасида уч ҳайдовчидан ташқари автобус ҳайдовчиси ҳам ўрганилаётганини айтиб ўтишим мумкин», — деди вилоят ички ишлар департаменти бошлиғи ўринбосари Ернат Калиакпаров.

Матбуот анжуманида ўзбекистонликларнинг ҳалок бўлиши бўйича жиноий ишга оид саволлар бир неча бор берилди.