Тошкент фотосуратлар уйида Халқаро хотин-қизлар кунига бағишланган фотокўргазма ташкил этилди, деб ёзади ЎзА.
«Байрамга бағишлаб ташкил этилган ушбу кўргазмани ҳам баҳор, аёл, беғубор табиат уйғунлигининг ўзига хос ифодаси дейиш мумкин. Моҳир фотомусаввир Рустам Шариповнинг суратлари она табиатга чексиз меҳр билан йўғрилган бўлса, Искандар Содиқов ўз фотоасарларида борлиқнинг оддий, ҳам мўъжизакор тароватини акс эттиришга интилади. Муҳаммад Амин ҳамда Эдуард Машковнинг ижодий ишлари Ўзбекистонда қизларнинг спорт билан шуғулланиши учун кенг имкониятлардан сўзласа, Ирина Шур мамлакатда аҳиллик ва ҳамжиҳатликда истиқомат қилаётган кўплаб миллат ва элат вакилларининг эзгу интилишларини асосий мавзу қилиб олган. Бобур Олимхўжаев, Гаяне Аванесян, Икром Худойбергенов, Феликс Асқархўжаев сингари ижодкорларнинг ижод намунаси оналарга чексиз эҳтироми, самимияти, ёрқин ва таъсирчанлиги билан фотография санъати мухлисларига манзур бўлмоқда», — дейилади хабарда.
Изоҳ (0)