Жорий йилнинг 1 март куни Тошкент вилояти Паркент туманидаги «Заркент-Жаҳонгир» фермер хўжалигига қарашли майдонга тахлаб қўйилган, баҳоси 6 миллион 290 минг сўм бўлган 370 бетон тўсинларни ўғирлаб кетилди, деб хабар берди ЎзА.
Ички ишлар органлари ходимлари томонидан олиб борилган тезкор чора-тадбирлар давомида ушбу жиноятни ҳеч қаерда ишламайдиган, мазкур туманда яшовчи 1988 йилда туғилган С.Бурҳонов (исм-шарифлар ўзгартирилган) ва 1997 йилда туғилган А.Жамоловлар содир этганлиги аниқланди.
Айбдорлар қўлга олиниб, Ўзбекистон Респбликаси Жиноят Кодексининг тегишли моддаси билан жиноий жавобгарликка тортилди. Далилий ашё сифатида бетон тўсинлар эгасига қайтарилди.