«Йўлбарссимон питон» нафақат сичқонлар ёки қуёнлар билан, балки табиатда учрайдиган йирик жонзотлар — аллигатор ва буғулар билан ҳам озиқланади. Яқинда Флоридада топилган илон энг катта ўлжани ютиш бўйича рекорд ўрнатди, деб хабар берди National Geographic.
Флорида табиатни муҳофаза қилиш идораси «қора йўлбарссимон питон»ларга қарши курашишни давом этмоқда. У Жанубий ва Жануби-Шарқий Осиёда йўқолиб бораётган ҳайвонлар сирасига киради, бироқ АҚШда у хавфли тур ҳисобланади. Илоннинг узунлиги 3,7 метрга қадар етиб, ер юзидаги энг йирик бешта жонзотдан биридир.
Флорида ерларида яшайдиган улкан судралиб юрувчининг табиий душманлари бўлмагани сабаб, у «Эверглейдс» боғидаги ҳайвонларга қирон келтирмоқда.
Атига бир неча йил ичида бу ерда яшайдиган енот ва опоссумлар популяцияси 98—99 фоизга, оқ думли буғулар 94 фоизга қисқариб кетди. Шунингдек, коётлар, қушлар ҳамда ноёб Флорида пумаси қирилиб кетиш хавфи остида.
АҚШ ҳукумати ушбу муаммога 2013 йилдаёқ эътибор қаратган эди, бироқ кўрилган чора-тадбирлар кутилганидек самара бермади.
Изоҳ (0)