Ироқнинг собиқ президенти Саддам Хусайннинг ҳукумат қарори бўйича мол-мулки мусодара қилинаётган катта қизи Роҳат ўз ҳақ-ҳуқуқини халқаро судларда ҳимоя қилмоқчи, деб ёзади «ТАСС».
«Биз халқаро судларга мурожаат қиламиз, европалик адвокатлар хизматидан фойдаланамиз. Амалдаги ҳукумат томонидан Ироқнинг собиқ президенти ўғилларига нисбатан ноқонуний қабул қилинаётган чора-тадбирларга қарши иш очамиз», — дейди Роҳат.
Роҳатнинг фикрига кўра, янги санкциялар сиёсий кучларнинг май ойига мўлжалланган сайловлар олдидан машҳурлик даражасини оширишга интилаётгани билан изоҳланади.
Изоҳ (0)