Google компанияси YouTube Go видеохостингининг бутун дунёдаги фойдаланувчилари учун офлайн талқинини яратган эди. Дастлаб, YouTube’нинг «енгиллаштирилган» талқинидан дунёнинг 130 мамлакати фойдаланиши мумкин эди. 1 мартдан бошлаб Google ушбу дастурни юклаб олиш имконини яна бир қатор мамлакатларга тақдим қилди, улар орасида Ўзбекистон ҳам бор, деб ёзади «Xabar.uz».
Ушбу дастур роликларни флеш хотира ёки телефон хотирасига сақлаб олиш ҳамда уни офлайн тарзда кўриш имконини беради. Бундан ташқари янги дастур ёрдамида юклаб олинган контентни Bluetooth орқали бошқа қурилмаларга ўтказса бўлади.
Дастурни Google Play дўконидан юклаб олиш мумкин.
Изоҳ (0)