Тожикистон Ўзбекистонга электр энергиясини етказиб беришни жорий йил марти охирида ёки апрели бошида бошлайди. Ўзбекистонга экспорт қилинадиган тожик электр энергиясининг умумий ҳажми йилига камида 1,5 миллиард киловатт/соатга тенг бўлади, деб ёзади UZ24.
Айни пайтда Душанбе ва Тошкент тожик электр энергиясининг Ўзбекистонга етказиб берилиши нархи ҳақида келишиб олган.
Ёзда Ўзбекистон Тожикистон электр энергиясини бир киловатт учун икки цент, қишда эса — 2,5 цент нархда сотиб олади.
«Тожикистон қўшни мамлакатга электр энергияси етказиб беришни исталган лаҳзада бошлаши мумкин, аммо Ўзбекистон жанубини Тожикистон билан боғловчи 60 километрлик электр узатиш линиясини қайта тиклаш ҳамда Турсунзода шаҳрида релели ҳимоя ва автоматика лойиҳасини амалга ошириш ишлари якунланганича йўқ, аммо бу борадаги ишлар тезкор суръатларда бормоқда», — деди «Азия-Плюс»нинг Тожикистон ҳукуматидаги манбаси.
Изоҳ (0)