Ўзбекистон Президенти Шавкат Мирзиёев 9—10 март кунлари давлат ташрифи билан Тожикистонда бўлади. Бу ҳақда, Тожикистон ҳукуматидаги манбага асосланиб, Тожикистоннинг «Азия-Плюс» агентлиги хабар тарқатди.
Аввалроқ март ойининг бошида Ўзбекистон Президенти ташриф билан Тожикистонда бўлиши ҳақида хабарлар тарқалган эди. Тожикистоннинг Ўзбекистондаги элчиси Содиқ Имомийнинг сўзларига кўра, Шавкат Мирзиёевнинг ташрифи — «тарихий воқеа».
Мен буни тарихий воқеа деб атаган бўлардим. Яқин кунларда Ўзбекистон Президенти Шавкат Мирзиёевнинг Тожикистонга давлат ташрифи амалга оширилади. Икки томон қизғин тайёргарлик ишларини олиб бормоқда. Тожикистонда ташрифга оид ташкилий масалаларга алоҳида эътибор қаратилмоқда. Бу масала шахсан Тожикистон президенти Имомали Раҳмон назоратига олинган.Давлат ташрифи давомида ўнлаб ҳужжатлар имзоланиши кўзда тутилган. «Имзоланадиган ҳужжатлар халқларимиз дўстлигини мустаҳкамлаш, ўзаро борди-келдини кенгайтириш имкониятларини яратади. Виза режимини соддалаштиришга интилишлар ҳам шундан далолат бермоқда», — деди элчи ЎзАга берган интервьюсида.Содиқ Имомий, Тожикистоннинг Ўзбекистондаги элчиси
Изоҳ (0)