«Манчестер Сити» Англия Лига Кубогида зафар қучди. Лондондаги «Уэмбли» стадионида кечган финал ўйинида «Арсенал»га қарши саф тортган «шаҳарликлар» йирик ғалабага эришди.
Беллашувда Серхио Агуэро ҳисобни очган бўлса, кейинчалик Венсан Компани, Давид Силва кабилар ўзини кўрсатди. Венгер жамоасидан эса бу голларга жавоб берадиган ҳеч ким топилмади.
Хосеп Гвардиола жамоаси мавсум аввалида 4 та фронда курашни бошлаган бўлса, шуларнинг фақатгина 1 тасида муваффақиятсизликка учради. Англия Кубогида жамоа қуйи лига вакили «Уиган»дан енгилиб, турнирни тарк этганди.
Лига Кубогини эса «Сити» «Вест Бромвич»ни 2:1 ҳисобида таслим қилишдан бошлаганди. Кейинроқ «Вулверҳемптон» пенальтилар сериясига кўра ортда қолдирилди. «Лестер» билан ҳам худди шундай бўлди, ўйиннинг асосий вақтида ғолибни аниқлаб бўлмади. Ярим финалда эса «Бристоль Сити» аввалига 2:1, кейин 3:2 ҳисобларида таслим қилинди.
Англия Лига Кубогида энг кўп «Ливерпуль» зафар қучган — 8 марта. «Манчестер Юнайтед», «Астон Вилла», «Челси»да совринлар сони 5 тадан эди. Кеча «Манчестер Сити» улар сафига қўшилиб олди. «Арсенал» эса бу турнирни 2 марта ютган.
Англия Лига Кубоги Финал 25 февраль, якшанба
Изоҳ (0)