Қорақалпоғистоннинг Беруний туманида яшовчи Равшан Яхшимуродов Биринчи Президент Ислом Каримов хотирасига бағишлаб Тошкент шаҳригача пиёда юриб бормоқчи эканини маълум қилди. Бу ҳақда ЎзА хабар берди.
— Буюк инсоннинг хотираси учун 1200 км йўлни пиёда босиб ўтиш ғояси пайдо бўлганига анча бўлди, — дейди Р.Яхшимуродов. — Беруний қишлоқ хўжалик касб-ҳунар коллежида техник ходим бўлиб ишлайман. Биринчи Президентнинг барча асарларини ўқиб чиққанман. Агар ушбу ниятим амалга ошса, йўл-йўлакай кўрган-кечирганларимни китоб қилиб ёзиш ниятидаман. Берунийдан Тошкент шаҳригача пиёда боришга тайёрман.
2016 йил сентябр ойида наманганлик Ҳусан Ҳожибоев Биринчи Президентнинг қабригача велосипедда бориб, зиёрат қилиб келганди. Ўшанда у велосипедда Самарқандгача 500 километр масофани босиб ўтганди.
Изоҳ (0)