Жиззах вилоятида нохуш ҳолатларнинг олдини олиш борасидаги қатор тадбирларга қарамай, бахтсиз ҳодисаларнинг содир бўлиши ва уларнинг оқибатида одамларнинг тан жароҳати олиши, ҳалок бўлиши ҳолатлари тез-тез такрорланмоқда, дея хабар бермоқда вилоят ИИБ Ёнғин хавфсизлиги бошқармаси.
Хусусан, Жиззах шаҳар Хайробод маҳалласидаги хонадонлардан бирининг ҳаммомида ҳушсиз ётган фуқаро пайқаб қолинган. Унга шифокорлар томонидан биринчи ёрдам кўрсатилганига қарамай, фуқаро воқеа жойида вафот этган.
ИИБ Ёнғин хавфсизлиги бошқармасидан қайд этишларича, воқеа жойини дастлаб ўрганиш давомида янги қурилган, кўмир-ўтинда иситиладиган ҳаммомнинг ҳаво алмаштириш учун мўлжалланган икки тешиги ёпиб ташлангани аниқланган.
«Фуқаро ўтин ва кўмир ёниши натижасида ажралиб чиққан ис газидан заҳарланиш оқибатида ҳалок бўлган, деб тахмин қилинмоқда», — дейилади бошқарма ахборотида.
Изоҳ (0)