Флорида штатидаги Паркленд мактабида содир бўлган отишма оқибатида ҳалок бўлган захирадаги офицерларни тайёрлаш корпусининг учта кичик курсанти АҚШ армияси қаҳрамонлиги медаллари билан тақдирланди. Қўмондонлик Алайн Петти, Питер Вонг ва Мартин Дьюкни тақдирлашга рухсат берди. Бу ҳақда Fox News’га таяниб, Forum Daily хабар берди.
14 ёшли Петтининг оиласига ушбу медаль 1500 киши қатнашган дафн маросимида топширилди.
Вонгнинг оиласи эса 20 февраль куни медални қўлига олди. 15 ёшли Вонг ўзининг курсантлар учун мўлжалланган кийимида, ўқувчиларга отишмадан қочишда ёрдам бераётган вақтида ҳалок бўлган.
Ўсмирни тақдирлаш бўйича Оқ уй сайтида петиция ташкил этилганди.
Бундан ташқари Американинг West Point ҳарбий академияси Вонг ҳаётлигида ушбу муассасасида ўқишни орзу қилганлиги сабаб уни ўлимидан сўнг ўқишга қабул қилди.
Учинчи курсант — Дьюкнинг оиласига эса медаль 24 февраль куни, ўз ўғлини дафн қилиш маросимида топширилади.
Ҳалок бўлган барча курсантлар ROTC’нинг собиқ курсанти Николас Круз томонидан 14 февраль куни мактабга амалга оширилган ҳужум оқибатида ўлдирилган.
Изоҳ (0)