Самарқанд вилоятидаги маҳаллаларнинг бирида 47 ёшли эркак ўзидан 10 ёш кичик хотинини ўлдиргани аниқланди. Бу ҳақда ИИВнинг Жамоатчилик ва оммавий ахборот воситалари билан алоқалар бошқармаси хабар бермоқда.
Хабар беришларича, Самарқанд вилояти Пахтачи тумани Жаҳонобод маҳалласидаги қурилиши тугалланмаган уйдан Бўстон маҳалласида яшаган, 1981 йилда туғилган аёлнинг бўйин, чап елка қисмларида шилинма ва қонталаш ҳамда чап қулоғидан қон оқиш жароҳатлари билан жасади топилган.
«Кўрилган чоралар натижасида, ушбу жиноятни марҳуманинг турмуш ўртоғи — 1971 йилда туғилган эркак содир этганлиги аниқланиб, ушланган», — дейилади ИИВ ахборотида.
Изоҳ (0)