АҚШ президенти Дональд Трамп Паркленддаги мактабда (Флорида штати) содир бўлган отишма оқибатида жабрланганлар билан учрашди. Бу ҳақда The Hill нашрига таяниб, «Газета.ru» хабар берди.
Трамп турмуш ўртоғи Мелания билан шифохонага бориб, отишма оқибатида жароҳат олган саккиз нафар жабрланувчи билан учрашди.
«Бу каби ҳодисаларнинг содир бўлиши жуда ачинарли», — деди Трамп журналистларга.
Шундан сўнг АҚШ президенти воқеа жойига биринчи бўлиб етиб келган ҳуқуқ-тартибот ходимлари билан суҳбатлашишни режалаштирган.
Эслатиб ўтамиз, 14 февраль куни Паркленддаги мактабда содир бўлган отишма оқибатида 17 киши ҳалок бўлганди. Отишмани мактабдан ҳайдаб юборилган 19 ёшли Николас Круз амалга оширган.
Изоҳ (0)