Ўзбекистон Афғонистонга етказиб бериладиган электр энергияси учун нархни пасайтирди. Бу ҳақда Афғонистон президентининг хавфсизлик масалалари бўйича маслаҳатчиси Ханиф Атмарнинг вакили Қодир Шоҳ маълум қилди, деб хабар беради UZ24.
Вакилга кўра, хавфсизлик масалалари бўйича Ўзбекистон — Афғонистон қўшма комиссиясининг биринчи йиғилишида иштирок этган Ханиф Атмар Ўзбекистон бош вазирининг биринчи ўринбосари Очилбой Раматов билан ҳам музокаралар олиб борган.
Томонлар Афғонистонга етказиладиган электр энергиясини нархини 35 фоизга — киловатти учун 7,6 центдан 5 центгача пасайтириш тўғрисида келишиб олди. Янги нарх шу ойдан қўлланишни бошлайди.
Маълумот учун, олдинроқ афғон медиаси Туркманистон мамлакатга экспорт қилинадиган электр энергиясини нархини икки баробар — киловатти учун 2 центдан 4 центгача оширгани ҳақида хабар берганди.
Изоҳ (0)