Фарғона вилояти Бешариқ туманидаги «Андархон» халқаро мақомига эга бўлган чегара-божхона пости очилди, деб хабар берди ЎзА.
Бундан саккиз йил олдин ёпилган Ўзбекистон —Тожикистон чегарасида жойлашган «Андархон» чегара-божхона постининг очилиши аҳоли учун катта қулайликларни яратади. Бу ерда чегара олди ҳудуд аҳолиси соддалаштирилган тартибда чегарадан ўтиш тизими жорий қилинди. Эндиликда бу ерда телеграмма ва таклиф хатисиз бемалол ҳаракатланиш мумкин.
«Ҳақиқатдан ҳам икки қўшни халқ ўртасидаги тўсиқлар сабабли қариндош-уруғларимиз билан борди-келди узилиб қолган эди. Ҳатто тўй ёки маъракаларда ҳам қатнаша олмасдик. Ахир биз асрлар давомида қўшни бўлиб яшаганмиз, борди-келдиларимиз мустаҳкам бўлган. Мана бу постнинг очилиши ҳам аҳоли учун катта имконият бўлди. Бу кунни барчамиз интиқлик билан кутганмиз. Барчамиз яқинларимиз билан дийдорлашдик» – дейди Бешариқ туманидаги «Қияли» маҳалла фуқаролар йиғини раиси Улуғбек Қўчқоров.
Изоҳ (0)