Фавқулодда ҳолатдаги тезкор бош штаб вакилининг маълум қилишича, Москва вилоятида ҳалокатга учраган Ан-148 самолётининг биринчи «қора қути»си топилди, деб хабар берди «Газета.ru».
«Парвозлар параметрини қайд этиб борадиган биринчи ‘қора қути’ топилди», — дейди штаб вакили.
Унинг аниқлик киритишича, Ан-148 самолёти ҳалокатга учраган жойдан топилган «қора қути» қониқарли бўлган. Бортдаги овозларни ёзиб олувчи иккинчи «қора қути» эса ҳозирча топилмаган. Уни қидириш ишлари давом этмоқда.
Эслатиб ўтамиз, «Саратов авиалиниялари» компаниясининг Москвадан Орскка йўл олган Ан-148 йўловчи самолёти пойтахт вилоятида ҳалокатга учраган эди. Ҳаво кемаси бортида 71 киши — 65 йўловчи ва 6 нафар экипаж аъзоси бўлган.
Изоҳ (0)