Венесуэлада президентлик сайлови жорий йил 22 апрель куни бўлиб ўтади. Бу ҳақда мамлакат миллий сайлов кенгаши раиси Тибисай Лусена маълум қилди, дея хабар беради «ТАСС».
Амалдаги давлат раҳбари Николас Мадуро мухолифатга бўлажак сайловда иштирок этиши учун «кенг ваколатлар» беришни ваъда қилди.
«Мухолифат номзодларини рўйхатдан ўтказишини истайман. Биз уларга кенг сайлов кафолатларини берамиз», — деди Мадуро.
Николас Мадуро 2 февраль куни Ягона социалистик партия йиғилишида президентлик лавозимига номзод сифатида расман эълон қилинди. У ғалаба қозонган тақдирда мамлакат иқтисодий тизимини мустаҳкамлашга қаратилган сиёсат юритишда давом этишини билдирди.
Изоҳ (0)