Халқаро космик станция экипажи аъзолари Александр Мисуркин ва Антон Шкаплеров ўзлари билмаган ҳолда Россия томонидан яратилган скафандрни кийиб, очиқ космосда ишлаш бўйича рекордни янгилаб қўйди. Улар станция ташқарисида 8 соату 13 дақиқа ишлаган, бундан олдинги рекорд эса 8 соату 7 дақиқага тенг, деб хабар берди «Интерфакс».
Космонвтлар «Звезда» модулининг антенна қурилмаларини алмаштириши лозим бўлган. У деярли кун давомида Ердаги рус сегментидан «Луч» сунъий йўлдош тизими орқали маълумотларни икки томонлама узатишни амалга оширади.
«ТАСС»нинг қайд этишича, Мисуркин ва Шкаплеров космосда 6 соату 40 дақиқа бўлиши режалаштирилган эди. Бироқ 17 йилдан бери ишлаб келаётган қурилмани тузатиш вақтида улар қийинчиликка дуч келган, чунки «Звезда» учирилаётганида мазкур аппаратлар алмаштирилиши кўзда тутилмаган. Космонавтлар гайкаларни ечиб олиш учун анча куч сарфлашга мажбур бўлган.
Очиқ космосда юриш бўйича бундан олдинги рекорд 2013 йилда Олег Котов ва Сергей Рязанский томонидан ўрнатилган эди.
Изоҳ (0)