ЎзА мухбири Россия миллий телерадиоэшиттиришлар уюшмаси президенти, Телеешиттиришлар, электрон оммавий ахборот воситалари ва интернет технологияларини ривожлантириш фонди раҳбари, Россия телевидение академияси аъзоси, таниқли тележурналист Эдуард Сагалаев билан суҳбатлашди.
Москвада биз каби Ўзбекистондан келганлар оз эмас. Театрда, кўргазмада иштирок этганимизда учрашиб қолсак, албатта «Қандай янгиликлар?» дея сўраймиз. Ўзбекистондан келган хушхабарлардан қувонамиз. Бундай қувончли хабарлар кейинги вақтда жуда кўпайди. Ҳар куни қандайдир янгилик юз бермоқда. Улар оддий эмас, балки кенг доираларда эътироф этилмоқда. Мисол учун, Ўзбекистон Президентининг БМТда, Остонадаги Бутунжаҳон кўргазмасидаги нутқи, Туркманистон, Қозоғистон, Қирғизистон давлатларига ташрифи. Ҳар куни – янги қарор, янги фармон ва ечим.Бир қарасанг, инвестициялар бўйича янги вазирлик ташкил этилади, яна бир оздан сўнг мактабгача таълим вазирлиги очилади. Айниқса, аҳоли турмуш даражасини яхшилаш, хусусан, пенсионерлар, талабалар ва давлат хизматчиларининг иш ҳақи миқдорини ошириш бўйича амалга оширилаётган ишлар мамнуният бағишлайди. Президент илгари сураётган «Халқ давлат идораларига эмас, давлат идоралари халқимизга хизмат қилиши керак», деган ғоя ҳамма томонда олқишланмоқда. Бу ажойиб шиор, лўнда ва адолатли. Қани энди бирор бир бюрократ ёки мансабдор шахс бунинг аксини қилиб кўрсин-чи...
Эдуард Сагалаев, Россия миллий телерадиоэшиттиришлар уюшмаси президенти
Изоҳ (0)