23 январь, сешанба куни Ливиянинг Бенгази шаҳрида амалга оширилган иккита теракт оқибатида 28 киши ҳалок бўлди. Бу ҳақда Sky News Arabia телеканалига таяниб, «ТАСС» хабар берди.
Портловчи қурилма ўрнатилган автомобиль ас-Салмоний даҳасининг шарқий томонида, шаҳарнинг энг йирик масжидларидан бирининг ёнида портлади. Орадан ярим соат ўтгач, воқеа жойига ҳуқуқ-тартибот ходимлари ва шифокорлар етиб келганида яна битта автомобиль портлаб кетган.
Мавжуд маълумотларга кўра, терактлар оқибатида Ливия миллий армиясининг тергов-қидирув бўлими бошлиғи Аҳмад Али ал-Фитруи ҳалок бўлган. Жароҳат олганлар орасида Ливия разведка хизматининг генерали Маҳди ал-Фаллаях ҳам бор.
Бенгази Триполидан минг километр шарқда жойлашган бўлиб, 2011 йил 17 февралда мамлакатда бошланган инқилобга «бешик» вазифасини ўтаган.
Изоҳ (0)