Финалга чиққан ўзбек футболчилари, қабрга қўйилган Ақтўбе қурбонлари, «Ҳаво йўллари»нинг ишдан олинган раҳбари ва куннинг бошқа муҳим хабарлари

23 январнинг эътиборга молик янгиликлари — «Дарё»нинг кечки дайжестида.

1. Тарихий натижа: Ўзбекистон U23 термаси Жанубий Кореяни енгиб, Осиё Чемпионатининг финалига йўлланма олди. Финалдаги рақиб — Вьетнам. Ўйин 27 январь куни бўлади.

2. Ақтўбеда ҳалок бўлганлар қабрга қўйилди. Тобутлар аввал қурбонларнинг оилаларига етказилди. Видолашувдан сўнг жаноза намозлари ўқилди.

3. Ўзбекистон ҳукумати хорижга ишлашга кетаётганларни транспорт воситалари хавфсизлигига эътиборли бўлишга чақирди. Мурожаат Ўзбекистон Бандлик ва меҳнат муносабатлари вазирлиги томонидан берилди.

4. Улуғбек Рўзиқулов «Ўзбекистон ҳаво йўллари» бош директори лавозимидан озод қилинди. Ушбу воқеа интернетда авиакомпания чипталари ўта қимматлиги билан боғлиқ танқидлар фонида юз берди.

5. 11 ойлик бола танасидан 12 та игнани чиқариб олган шифокор: игна танага ташқи томондан тиқилган ҳолатга биринчи марта дуч келишим. «Операциянинг ўзи 9 соат давом этди. Катта одамлар ҳам 3—4 соатлик операцияни кўтариши қийин».

6. Тошкентда Киночилар уйи тўлиқ бузиб ташланди. Бино 1982 йили Тошкент кинофестивали муносабати билан фойдаланишга топширилган эди. Энди унинг ўрнида Tashkent City’нинг бир бўлаги қад ростлайди.