Кенг қамровли кибер ҳужумлар глобал тармоқ бутунлигига путур етказиши мумкин, деб ҳисобламоқда Бутунжаҳон иқтисодий форуми экспертлари. Бу ҳақда «ТАСС» хабар берди.
Тадқиқот муаллифлари турли мамлакатлар ҳукуматларини халқаро хакерлик гуруҳларига қарши курашишда ҳамкорлик қилишга, шунингдек, ҳужумларни ўрганиш ва олдини олишга ихтисослашган компанияларни технологик жараёнларга қўшишга чақирмоқда.
Экспертларнинг огоҳлантиришича, кибер ҳужумнинг манбасини нотўғри аниқлаш иштирокчи бўлмаган давлатга зарба берилишига олиб келиши мумкин.
Шу муносабат билан мутахассислар қуролли низоларга ўхшаш кибер урушларнинг ҳуқуқий меъёрларини ишлаб чиқишни талаб қилмоқда.
Изоҳ (0)