Маълум бўлишича, организмнинг қувват сарфларини жисмоний машқларсиз ҳам бироз ошириш мумкин экан. Бу олимлар томонидан исботланган.
1.Хона ҳароратини салқин ҳолатда тутинг
Хона ҳарорати айниқса ухлаш пайтида салқин бўлишини таъминлашга ва кўпроқ тоза ҳавода бўлишга ҳаракат қилинг. Совуқ организмни иситиш учун қувват сарфлайдиган ёғли тўқималарнинг бир тури ҳисобланувчи қорамтир ёғлар миқдорини оширади.2. Кўпроқ полда ўтиринг
Агар сиз юмшоқ диванда ёки креслода эмас, балки полда ўтириб телевизор томоша қилсангиз, танани маълум бир ҳолатда ушлаб туриш учун кўпроқ мушаклар ишга тушади. Шунингдек полга ўтириш ва у ердан туриш учун ҳам кўпроқ қувват сарфланади.Қувват йўқотишдан ташқари, полда ўтириш эгилувчанлик, мушаклар тонуси ва гавда ҳолатини яхшилайди.
3. Сақич чайнанг
Майо клиникасидан Жеймс Левин ва Полетта Боколлар сақич чайнаш қувват сарфини бир соатда 11 ккал оширишини аниқлади.Бундан ташқари сақич камроқ қувват истеъмол қилишга ва бу пайтда ўзини анча қувватлироқ ҳис қилишга ёрдам беради.
4. Қувноқ мусиқа садоси остида юринг
Агар сиз кардиомашқлар билан шуғулланишни хоҳламасангиз, унда масалан ишга ёки дўконга боришда қувноқ мусиқа тингланг. Шунда сиз тезроқ ҳаракатланасиз ва кўпроқ қувват сарфлайсиз.5. Янги билимлар ўрганинг
Сиз онгингизни қанча кўпроқ машқ қилдирсангиз, у шунча кўпроқ қувват сарфлайди.Лекин ҳеч қандай ақлий фаоллик жисмоний машқлар билан тенглаша олмайди ва энг қийин математик масаладан кўра уйда қилинган оддий машқлар кўпроқ калория сарфлашга ёрдам беради.
Манба: «Лайфхакер»
Изоҳ (0)