Жигарханяннинг шошилинч шифохонага ётқизилиши сабаби маълум қилинди

17 январь, чоршанба куни кечқурун Армен Жигарханян кутилмаганда шифохонага тушди. «MK.ru» нашри бунга нима сабаб бўлганлиги ҳақида маълум қилди.

«Бу барчамиз учун кутилмаганда содир бўлди. 17 январь, чоршанба кунини у театрда ўтказди. Кечқурун уйга қайтишдан аввал эса кучли ҳолсизлик пайдо бўлганидан шикоят қилди. Биз таваккал қилмасликка қарор қилдик ва шифокорларни чақирдик», — дейди актёрнинг дўсти Артур Согоманян.

«Шифокорлар унинг юраги яхши эканлигини маълум қилди. Эҳтимол бу инфекция туфайлидир — унинг томоғи оғриб, йўталмоқда. Вақти-вақти билан чап оёғида ҳам оғриқ юзага келмоқда. Тонгда текширувларни ўтказиш бошланади», — дея қўшимча қилди у.

Артист аҳволининг ёмонлашуви унинг собиқ рафиқаси Виталина Цимбалюк-Романовская баёнотлари билан ҳам боғлиқ бўлиши мумкин.