Исроил мудофаа армияси аскарлари ва фаластинликлар ўртасидаги тўқнашув Иордан дарёси Ғарбий соҳилидаги Женин шаҳрида қурбонларни келтириб чиқарди. Бу ҳақда 18 январь, пайшанба куни Исроилнинг I24 телеканали маълум қилди, деб ёзади «ТАСС».
Исроил аскарлари ўтган ҳафта раввин Разиэл Шевахни ўлдиришда гумонланган фаластинликни ўлдирди. Шунингдек, ҳодиса оқибатида Исроил мудофаа армиясининг икки аскари ва яна бир фаластинлик яраланди.
The Times of Israel мухбирининг маълум қилишича, ўлдирилган фаластинлик ҲАМАС гуруҳи етакчиларидан бири Нассер Жарарнинг ўғли Аҳмед Жарар бўлган. Нассер 2002 йилда Женинда исроиллик аскарлар томонидан ўлдирилган эди.
Изоҳ (0)