Ўзбекистон Республикаси Халқ депутатлари Тошкент шаҳар кенгашининг қарори билан Тошкент шаҳри бўйича 2018 йил учун маҳаллий солиқлар ва йиғимлар ставкалари тасдиқланди, деб ёзади Norma.
Ҳужжатга мувофиқ, алкоголли маҳсулотлар, шунингдек, умумовқатланиш корхоналари томонидан алкоголли маҳсулотларни сотиш 1 ойлик савдо учун энг кам иш ҳақининг 6 баробари (аввал 5 баробари эди); қимматбаҳо металлар ва қимматбаҳо тошлардан ясалган буюмлар — 1 ойлик савдо учун энг кам иш ҳақининг 4 баробари (аввал 3,5 баробари эди); автотранспорт воситаларини вақтинча сақлаш бўйича пуллик хизмат кўрсатиш ҳуқуқи учун йиғим ҳар ой учун энг кам иш ҳақининг 7 баробари (аввал — 6 баробари) этиб белгиланди.
Бундан ташқари, истеъмол учун солиқ қуйидагича белгиланди:
- бензин — 1 литр учун 232,5 сўм/1 тонна учун 308 850 сўм;
- дизель ёқилғиси — 1 литр учун 232,5 сўм/1 тонна учун 282 500 сўм;
- суюлтирилган газ — 1 литр учун 230 сўм/1 тонна учун 436 300 сўм;
- сиқилган газ — 1 куб.метр учун 305 сўм.
Изоҳ (0)