Ўзбекистонда бошланган Қуръони карим мусобақаси кўтаринки руҳ, хурсандчилик билан қарши олинди. Бу ҳақда Ўзбекистон мусулмонлари идораси матбуот хизмати маълум қилди.
Жиззах вилоятининг Зомин туманида бўлиб ўтган Қуръон байрамини кузатиб борган фойдаланувчилар фикрларини қуйидагича ифода этди.
Ғиёсиддин Ҳабибуллоҳ: Аллоҳ рози бўлсин Президентдан. Илоҳим бутун аждодларининг руҳларини шод қилсин. Авваламбор ўзларини ва барча яқинларини Аллоҳ паноҳида асрасин. Авлодларидан ҳам олиму фузалолар чиқсин.
Умму Сайфуллоҳ: Бу улуғ ишларнинг бош ташаббускори муҳтарам Президент соғ-омон бўлсинлар! Доимо бундай савоб ишларда бошу қош бўлсинлар!
Абдувалижон Ҳаким: Алҳамдулиллаҳ, ҳали мусулмон умматига солиҳ ва солиҳа фарзандлар етиштириб берадиган қорияларимиз кўп экан.
Амина Мамадалиева: Аллоҳ рози бўлсин, хурсандлигимнинг чек-чегараси йўқ.
Ёқубжон Низомович: Корея давлатидан туриб кўриб турибмиз, Аллоҳга ҳамдлар бўлсин. Дуодамиз, ҳаммаларингга ажр савоб, илмларимизни зиёда қилсин.
Муслима Даврон: Алҳамдулиллаҳ, ўзбек аёл-қизлари ҳам ўз ибратлари билан юртимиз обрўсини кўтарадиган кунлар ҳам келди. Аллоҳим давомли қилсин.
Нурилло Сайдуллаев номли фойдаланувчи 80 ёшдаги оналари «Юртбошини умрлари узоқ бўлсин, дунё тургунча турсинлар» деб дуо қилаётганликларини айтиб ўтган.
Улуғбек Ойбекович бошқа давлатдагилар кўрса ҳавас қилгудек Қуръон мусобақаси бўлаётганини айтиб ўтган.
Онлайн эфирларга қолдирилган 6 мингдан ортиқ изоҳда ижтимоий тармоқ фойдаланувчилари мусобақанинг дастлабки босқичи ҳақида ижобий фикрларини айтиб ўтган. Ташкилий масалалар бўйича тавсия ва таклифларини билдирган.
Изоҳ (0)