2009 йилнинг 12 июнь куни Тошкент шаҳрида яшовчи 63 ёшли Хуснида Гиязованинг бошига мусибат тушди. Аниқроғи, ўша куни у ўз қизи ва қиз набирасидан ажралди, атиги бир ёшга тўлган ўғил набираси эса бир умрга ногирон бўлиб қолди.
Маълум қилинишича, аёлнинг куёви ўз укаси билан уй-жой талашиб, жанжаллашиб қолади. Орадан бир муддат ўтиб, куёвининг укаси унинг йўқлигида аёлнинг қизи ва қиз набирасини милтиқдан отиб ташлайди. Қотил бешикда ётган 1 ёшли жиянини ҳам аяб ўтирмай, унга ҳам бир неча бор ўқ узади ва товуқхонага ташлаб кетади. Оиланинг қўшнилари болани топиб олади.
Амакиси бешикда ётган бир ёшли жияни Жаҳонгирнинг қорнига, умуртқа поғонаси, қўли, қулоғига ўқ узган. Жаҳонгирнинг ҳаёти бир неча маротаба ўтказилган жарроҳлик амалиётидан сўнг сақлаб қолинган, бироқ у 1-гуруҳ ногирони бўлиб қолган. Бола 1 ёшлигида 9 та жарроҳлик амалиётидан ўтказилган. Жаҳонгир на юради, на гапиради ва на бир жойда ётади. Унинг ўша дамдаги ташхиси – ўқотар қуролдан яралангандан сўнг болалар серебрал фалажи (ДСП).
«Сўнгги, энг охирги операцияда унинг умуртқа поғонасининг пастки қисмига қўшимча махсус дисклар ўрнатилиши керак. Ана шунда Жаҳонгир оёққа туради. Хуллас, набирам яна иккита операцияни бошидан ўтказиши керак бўлади. Жаҳонгирнинг реабилитацияси, иккита операцияси барчасига 657 минг рубль маблағ талаб этиляпти. Аммо мен ёлғиз бошим билан, мана шу бегона юртларда юриб, бунча маблағ жамғаришга қурбим етмаяпти. Қўлимдан келган барча ишларни қилдим. Шу набирам учун боримни беришга тайёрман. Шу пайтгача менга яхшилик қўлини чўзган одамлардан бутун умр миннатдорман. Биз ўзбеклармиз, бир-биримизни оғир пайтларда ҳеч қачон ёлғизлатиб қўймаймиз. Россияда, оиламни боқай деб ишлагани келган, шу билан бирга бизга имкон қадар кўмак берган ватандошларимдан мингдан минг розиман. Мен улар билан фахрланаман. Ҳар доим қўнғироқ қилишади. Жаҳонгирнинг саломатлиги ҳақда сўрашади. Қурби етганлар моддий ёрдам кўрсатишади. Мен улар ҳақида доим дуодаман», — дейди боланинг бувиси.
Соғлом ҳаётга қайтишишига бир қадам қолган Жаҳонгирдан ёрдамингизни аяманг!
Жаҳонгирга Ўзбекистонда ёрдам бермоқчи бўлган яхшилар учун қўшимча маълумотлар:
Агробанк ҳисоб рақами: 8600 0417 1153 2524
Россиядаги саховатпеша ўзбекистонликлар учун Сбер банк виса классик ҳисоб рақами: 4276 5500 6008 0630.
Хуснида Гиязова билан боғланиш учун рақам:+79219292445
Изоҳ (0)