Америка киноакадемияси «Оскар» мукофотига номзод фильмларни саралашга овоз бериш жараёнини якунлади. Бу ҳақда академиянинг Twitter’даги саҳифасига таяниб, «Газета.ru» хабар берди.
«Оскар» мукофоти учун номзодларга овоз бериш жараёни бугун тугади. 23 январь куни сиз кимга овоз берасиз?», — дейилади хабарда.
Жорий йилда «Оскар» учун 341 та тўлиқ метражли бадиий фильм кураш олиб бориши мумкин.
Барча йўналишлар бўйича номзодлар номи 23 январь куни эълон қилинади. Овоз беришнинг финал босқичи эса 20 февралдан 27 февралга қадар бўлиб ўтади. Мукофотнинг ўзини топшириш жараёни эса 4 март куни Лос-Анжелесда ўтказилади.
Изоҳ (0)