Facebook ижтимоий тармоғида Шайх Муҳаммад Содиқ Муҳаммад Юсуфнинг қизи Шайха Одинахон Муҳаммад Юсуф танлов эълон қилди.
«Maslahat.uz» гуруҳига жойланган эълонда шундай дейилади:
«Мустақил Ўзбекистоннинг биринчи муфтийси, кўплаб халқаро илмий муассасалар, диний ташкилотларнинг аъзоси, ўзбекзабон халқларнинг диний раҳнамоси,ислом дунёсининг йирик олими, машҳур уламо, етук аллома, мужаддид, муфассир, муҳаддис, фақиҳ, мутафаккир, муршид, зоҳид, ўз замонасида ислом оламининг йирик намояндаси, улкан арбоб Шайх Муҳаммад Содиқ Муҳаммад Юсуф қизлари Шайха Одинахон Муҳаммад Юсуф сиз азизларга ўз бебаҳо китобларини туҳфа этадилар!»
«Ислом тарихи» китобининг 1—2-жилдларини мукофот сифатида қўлга киритиш учун келтирилган байт кимнинг қаламига мансуб эканлигини топиш ва шарҳлаб бериш лозим.
Илм тадқиқ қилиш учун тунимни бедор ўтказишим мен учун бир гўзалнинг васли, иссиқ қучоғидан лаззатлироқ.Қаламимнинг саҳифа устида ғичирлаши давко ва ушшоқ (мақомлари)дан ҳам ёқимлироқдир.Қизнинг дўмбирани чертгандаги овозидан кўра варақларим устидаги қумни олиб ташлаш учун чертганим лаззатлироқ.Дарсда бир чигалликни ечиш учун тебранишим (чайқалишим) соқийнинг шаробидан ҳам лаззатлироқдир.Қоронғи тунни мен бедор ўтказаман, сен ухлаб ўтказасан-да, яна менга етиб олишни орзу қиласан.
Энг яхши изоҳни Шайха Одинахон Муҳаммад Юсуфнинг ўзи шахсан танлаб олиши айтилган. Танлов 18 январь куни соат 17:00 да якунланади.
Эслатиб ўтамиз, Шайх Муҳаммад Содиқ Муҳаммад Юсуф раҳимаҳуллоҳнинг 2 жилдли «Ислом тарихи» китобининг тақдимот маросими ўтган йил ноябрида бўлиб ўтган эди.
Изоҳ (0)