CES 2018 кўргазмасида LG Electronics компанияси истеъмолчиларнинг талабларини олдиндан билиши ва таомни пишириш вақтини камайтириши мумкин бўлган келажакдаги ақлли ошхона ҳақида ўз ғоясини тақдим этди. LG Electronics кундалик таом тайёрлаш жараёнини осонлаштирадиган овозли бошқариш функциясини таклиф қилмоқда.
InstaViewThinQ (СМ) музлатгичи, EasyClean® печи ва QuadWash (СМ) идиш-товоқ ювиш машинаси каби маҳсулотларга эга бўлган LG ақлли ошхонаси пишириш жараёни самарадорлиги ва осонлигини максималлаштириб, сизга қимматбаҳо бўлган бўш вақтни кўпроқ беришга қодир.
LG InstaViewThinQ музлатгичи — максимал қулайлик ва самарадорлик илғор совутиш технологиясининг кулминацион нуқтаси. 29 дюймли LCD-дисплейга икки марта тақиллатиб, уни шаффоф ойнага айлантирасиз. Бундан ташқари, ақлли музлатгич «Бизда бугун тушликка нима?» абадий саволига жавоб бериб, мавжуд бўлган маҳсулотлардан келиб чиққан ҳолда сизга мазали таомлар рецептларини айтиб беради. Тайёрланиш усули танлангандан сўнг, музлатгич автоматик равишда умумий тармоққа уланган печга маълумотни Alexa овозли ёрдамчидан фойдаланган ҳолда юборади, у ҳақда бош ошпазга жараённинг ҳар бир босқичида ҳамроҳлик қилиб, ортиқча машмашасиз овқат пиширишга имконият яратади. Шунингдек, овқат пишириш ва истеъмол қилишдан янада завқ олиш учун AmazonMusic, iHeartRadio ва бошқа стримингли мусиқа сервисларидаги севимли қўшиқларни InstaViewThinQ орқали тўғридан-тўғри тинглаш мумкин.
Шу билан бирга, InstaViewThinQ музлатгичи LG webOS операцион тизими ва Alexa овозларни фарқлаш ёрдамчи технологиясига асосланган, озиқ-овқат маҳсулотларидан оқилона фойдаланиш имконини беради. SmartTag функцияси ақлли музлатгичга жойлаштирилган озиқ-овқат маҳсулотлари стикерлари, ёрлиқлари ва ишлатиш муддатларини қўшиш имконини бериб, муддати ўтган маҳсулот ҳақида хабар беради. Дўконга маҳсулотлар учун ташриф буюрган фойдаланувчилар InstaViewThinQ ичидаги PanoramaView кенг бурчакдаги камерасини ишлатиб, музлатгич ичида нима борлигини смартфонлар орқали текширишлари мумкин.
Innit ва SideChef каби компаниялар билан ҳамкорлик туфайли, Wi-Fi’ни қўллаб-қувватловчи LG сунъий идрокига эга қурилмалар фойдаланувчиларга кенгроқ хизматларни таклиф қилиши мумкин. Тегишли иловага уланган LG EasyClean печи рецептлар ҳақида маълумотни осонгина олиши ва маълум бир вақтда маълум бир ҳарорат билан олдиндан қиздирилишни бошлаши мумкин. Тозалаш функцияси печнинг яхшиланган гидрофилли эмал қопламаси туфайли соддалаштирилган, хабарнома автоматик равишда эгасининг смартфонига юборилади. Печни ишлатиш пайтида қопқоқ ва лампочка автоматик равишда ёқилади.
Тозалаш жараёнини бошқариш учун LGEasyClean печи тегишли маълумотни уланган QuadWash идиш-товоқ ювиш машинасига юборади, у эса ўз навбатида пиширилган таом асосида оптимал ювиш жараёнини ўрнатади. Мисол учун, ақлли идиш-товоқ ювиш машинаси енгил сабзавотли таом учун эмас, балки ёғли овқат учун кўпроқ иссиқ сув ишлатиладиган узоқ жараённи танлайди. QuadWash (СМ) технологияси тўртта кўп ҳаракатли пуркагичдан ташкил топган бўлиб, барча шакл ва ўлчамлардаги нарсаларни тез ҳамда батафсил тозалашни таъминлайди. EasyClean печкаси ва QuadWash идиш ювиш машинасини ҳам овозли буйруқлар, шунингдек, LG CLOiHubBot роботининг уй модели ёрдамида ҳам назорат қилиниши мумкин.
«LG маҳсулотларини ақлли ошхонага бирлаштирадиган алоқа таом пишириш ва истеъмолчиларнинг овқатланиши бўйича инқилоб яратади. Маҳсулотни тайёрлаш жараёнини модернизация қилиш туфайли ошхонада LG сунъий идрокидан фойдаланиш ошхонадаги кундалик юмушларга инновацион ечимларни таклиф қилиб, ҳаёт сифатини яхшилайди, — деди LGHomeAppliance&AirSolutionCompany компанияси президенти ДахюнСонг.
CES 2018 кўргазмасига ташриф буюрувчилар LG’нинг ақлли ошхона ечимларини Лас-Вегас конференц-марказидаги Марказий залнинг 11100-сонли стендида 9 дан 12 январгача кўришлари мумкин.
Реклама ҳуқуқи асосида!
Изоҳ (0)