Ўтган ҳафта Мадагаскарга ёпирилган Ава тропик циклони оқибатида деярли 30 киши ҳалок бўлди. Бу ҳақда Аgencе France-Presse агентлигига таяниб, «Корреспондент.net» хабар берди.
«Дастлабки маълумотларга кўра, миллий даражада 29 киши ҳалок бўлган, 22 киши бедарак йўқолган, 17 170 киши ўз уйларини тарк этишга мажбур бўлган ва яна 83 023 киши жабрланган», — дейилади Табиий офатлар хавфини бошқариш миллий бюроси баёнотида.
Циклон Мадагаскарга 5 январь куни ёпирилган бўлиб, сел ва сув тошқинларини келтириб чиқарган.
Изоҳ (0)