Лондонда Lamborghini Huracan суперкари 1,3 миллион дона Swarovski тошлари билан безатилди. Британиянинг Vinceri компанияси томонидан ишланган автомобиль дизайнер Дария Радионовага тегишли, деб хабар берди «Мотор».
Аввалроқ, Радионовага тегишли Mercedes-Benz CLS 350 модели ҳам миллион дона Swarovski кристаллари билан қопланган эди. Автомобилни безаш учун бир нечта одам икки ой давомида кунига 12 соатдан ишлаган.
Радионованинг сўзларига кўра, CLS’ни бу ҳолга келтириш учун 35 минг фунт-стерлинг сарфланган. Машина eBay орқали 154,6 минг фунтга сотилган эди. Huracan’га қанча сарфлангани эса очиқланмади.
Lamborghini Huracan 610 от кучига эга 5,2 литрли V10 двигатели билан жиҳозланган. Соатига 100 километр тезликка 3,2 сонияда эришади. Максимал тезлиги эса 325 км/соатга тенг.
Буюк Британияда ушбу модель 180 700 фунтдан сотилади.
Изоҳ (0)