Ҳиндистонда муваффақиятли ажратилган сиам эгизаклари биринчи марта бир-бирини юзма-юз кўрди ва ўзининг биринчи мустақил Янги йилини нишонлади. Боши қўшилиб туғилган Жаганнатх ва Калья Канвара икки ёшу саккиз ойлигида иккита оғир операциядан кейин бир-бирини кўришга муваффақ бўлди. Бу ҳақда «ТАСС» хабар берди.
Краниопаг (боши қўшилиб туғилиш) бўлган Жаганнатх ва Калья жуда камёб ҳодиса бўлиб, 2,5 миллионта туғруқда бир марта учрайди ва сиам эгизаклариннг атиги икки фоизини ташкил қилади. Бундай болаларнинг 40 фоиздан ортиғи ўлик туғилади, ҳар учинчиси эса бир суткадан ортиқ яшамайди, 80 фоизи эса, агар ажратилмаса, икки ёшгача вафот этади.
Изоҳ (0)