Тошкентдаги «Анҳор-Локомотив» боғида 1990 йили туғилган фуқаро марихуана билан қўлга тушди. Бу ҳақда Тошкент шаҳар ИИББ маълум қилди.
«28 декабрь куни соат тахминан 19:00 ларда Тошкент шаҳар ИИББ ходимлари томонидан ўтказилган тадбир давомида Шайхонтоҳур тумани ҳудудида жойлашган ‘Анҳор-Локомотив’ боғида 1990 йилда туғилган Умаров Жасурбек Анвар ўғли тўхтатилиб текширилганда, унинг ёнидан оғирлиги 1,77 грамм бўлган марихуана гиёҳвандлик воситаси аниқланиб олинди», — дейилади хабарномада.
Ҳолат юзасидан ЖКнинг 276-моддаси 1-қисми (гиёҳвандлик воситаларини ўтказиш мақсадини кўзламай, қонунга хилоф равишда сақлаш) аломатлари билан жиноят иш қўзғатилди.
Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.
Эслатиб ўтамиз, «Анҳор-Локомотив» боғида Янги йил байрам тадбирлари бўлиб ўтмоқда.
Изоҳ (0)