«Локомотив» футболчиси Икром Алибоевнинг «Пахтакор» билан шартнома тузгани айтилганди. Бугун — 28 декабрь куни «темирйўлчилар» матбуот хизмати ярим ҳимоячи билан яна 2 йиллик битимга эришилгани борасида хабар берди.
«Локомотив» ярим ҳимоячиси Икром Алибоев келаси мавсумни «Пахтакор» сафида бошлайди
2012 йилдан буён «Локомотив» шарафини ҳимоя қилиб келаётган 23 ёшли футболчи «Пахтакор» билан қанчалик келишувга эришганди-ю, воқеалар ривожи кейин нима кўриниш олгани борасида маълумот йўқ. У ўз вақтида Ўзбекистон миллий терма жамоасидан чақирув олганди.Алибоев «Локомотив»нинг йиллик тақдирлаш маросимида иштирок этиб, 2017 йилда қўлга киритилган олтин медалларни қабул қилиб олди. Шунингдек, клуб раҳбарияти футболчилар учун ажратилган 21 та Gentra автомашинасидан бирини ҳам катта эҳтимол билан Алибоевга совға қилган.
Бунгача «Пахтакор» Алибоевдан ташқари «Бунёдкор» вакили Отабек Шукуровни ҳам кўзлаётгани борасида хабарлар бор эди. Алибоев ўз клубида қолган бўлса, Шукуров Амирлик клуби билан келишувга эришди. Ҳозирча Шота Арвеладзе бошқарувидаги жамоа асосан «Насаф» футболчиларини «ишғол қилиш» ишлари билан банд.
Изоҳ (0)