Consumer Reports нарши 500 минг автомобиль ҳайдовчилари орасида сўров ўтказиб, ҳар йили тақдим этадиган «ўз эгасини қониқтирувчи автомобиллар» рўйхатини тузиб чиқди. Машиналар 6 та параметер бўйича баҳоланди: қулайлик, дизайн, аудио ва иқлим тизими сифати ҳамда уни ҳайдашдан завқ олиш. «Мотор» рейтингдан ўрин олган автомобилларнинг суратлари билан бўлишди.
Tesla Model S
Consumer Reports нашрининг таъкидлашича, қуввати 75 киловатт/соатга тенг бўлган батареялар билан ҳам автомобиль салкам 380 километр масофани босиб ўтиши мумкин. Шунингдек, журнал унинг динамик тавсифи ва иккита юкхонаси борлигини ижобий баҳолади.
Porsche 911
Ушбу автомобилнинг бошқарув тизими ажойиб, двигатели, узатмалар қутиси, шовқин чиқармаслиги алоҳида эътиборга молик, шунингдек, у билан узоқ масофага ҳам саёҳат қилиш мумкин.
Chevrolet Corvette
Corvette ўзининг бошқаруви, қулай ўриндиқлари ва динамик тавсифи билан рўйхатдан ўрин олган. Бироқ унинг «механика»си аниқ ишламаслиги, покришкаларининг шовқин солиши ва салонга кириш ноқулайлиги алоҳида таъкидланган.
Lincoln Continental
Continental эгаларига автомобиль ичидаги сокинлик, интерьерида ишлатилган материаллар ва бошқарув тизими маъқул бўлган. Узатмалар қутиси селекторининг ўрнига тугма ва нормал эшик очгичларнинг йўқлиги эса ҳайдовчиларга ёқмаган.
Ford F-350
Ушбу пикап янгиланганидан сўнг, анча енгиллашди ва технологик бўлиб қолди. Моделнинг кўплаб эгалари уни яна бир бор сотиб олиш хоҳишини билдирган.
Mazda MX-5 Мiatа
Мiata’нинг тўртинчи авлоди ҳайдовчилар учун энг яхши автомобиллардан бири ҳисобланади, бироқ унинг эгаларига ўриндиқ, салондаги шовқин, тор салон маъқул бўлмаган
Toyota Prius
Prius ёқилғини кам сарфлаши ва машина нархининг арзонлиги сабаб эътиборга тушган. Аммо мультимедия тизими ва салонининг шовқини унинг фойдасига ишламайди, албатта.
Tesla Model X
Model X харидорларига унинг кенг салони, шунингдек, бошқарув тизими ёққан.
Honda Odyssey
Моделнинг 10 босқичли «автомат» бошқариладиган узатмалар қутиши ҳамда 3,5 литрли шовқин чиқармайдиган V6 двигатели кўпчиликка маъқул келган.
Dodge Challenger
Автомобиль эгаларига унинг бошқарув тизими ва V8 двигателининг овози маъқул бўлган. Бироқ машина етарлича қулайликка эга эмаслиги, омадсиз механик узатмалар қутиси унинг зарарига ишлайди.
Изоҳ (0)