2017 йилнинг январь ноябрь ойларида ўтган йилнинг шу даврига нисбатан жиноят содир этиш ҳолатлари қарийб 11 минг 278 тага ёки 14,64 фоизга, жиноят қидирув йўналишидаги жиноятлар эса 5 минг 722 тага ёки 12,34 фоизга камайган. Бу ҳақда Ўзбекистон Республикаси ички ишлар вазири, генерал-майор Пўлат Бобожонов ЎзАга берган интервьюсида маълум қилди.
Хабарда қайд этилишича, аёллар жиноятчилиги қарийб 20 фоизга, вояга етмаган шахслар томонидан содир этилган жиноятлар 11 фоизга, жиноят содир этган академик лицей ва коллеж ўқувчилари сони эса 21 фоизга камайган.
«Маҳаллаларда жиноятчилик ва ҳуқуқбузарликларнинг олдини олиш бўйича жамоатчилик институтлари билан биргаликда олиб борилган кенг қамровли профилактик тадбирлар натижасида 1 минг 79 маҳаллада битта ҳам жиноят содир этилишига йўл қўйилмади», — дейилади хабарда.
Изоҳ (0)