25 декабрь куни Тошкентда ўзбек ва турк компаниялари иштирокида Ўзбекистон—Туркия бизнес-форуми ташкил этилди. Бу ҳақда савдо-саноат палатаси матбуот хизмати хабар бермоқда.
«Тадбирни ўтказишдан кўзланган мақсад ўзбек ва турк компаниялари ўртасида савдо алоқалари йўлга қўйилишини қўллаб-қувватлаш, янги қўшма корхоналарни ишга тушириш ва янги инвестиция лойиҳаларини амалга ошириш масалаларини кўриб чиқишдан иборат бўлди», — дейилади хабарда.
Бизнес-форумда ўзбек ва турк ишбилармон доиралари маъруза қилди.
Ишбилармонлик учрашуви чоғида икки давлат тадбиркорлари ўртасидаги ўзаро муносабатларни мустаҳкамлаш бўйича ҳамкорлик масалалари муҳокама қилинди. Хусусан, икки давлатнинг иқтисодий ва инвестициявий салоҳияти намойиш этилиб, янги босқичдаги ҳамкорлик йўналишлари белгилаб олинди.
Туркия Ўзбекистоннинг муҳим савдо ҳамкори ҳисобланади. 2016 йил якунлари бўйича ўзаро савдо айланмаси 1,2 миллиард долларга етди. Жорий йилнинг 9 ойи давомида ўзаро савдо айланмаси ҳажми 29 фоизга ўсди.
Маълумот учун, ҳозирда Ўзбекистонда Туркиянинг 500 га яқин фирма ва компаниялари фаолият юритади.
Изоҳ (0)