Тошкент шаҳридаги «Абу Сахий савдо маркази» номи ўзгармоқда.
Бир неча кун олдин ижтимоий тармоқларда бозор дарвозаси тепасидаги «Абу Сахий» ёзуви алмаштирилаётгани аис этган сурат тарқалганди. Интернет фойдаланувчилари бозорнинг янги номи «Тошкент ипак йўли» ёки «Буюк ипак йўли»га ўзгаришини тахмин қилганди.
Савдо маркази маъмурияти вакилининг «Дарё»га маълум қилишича, бозор номи чиндан ҳам ўзгарган ва у эндиликда «Тошкент савдо маркази» деб номланади. Унинг сўзларига кўра, тез орада бозор раҳбариятида ҳам ўзгаришлар бўлиши мумкин. Ўзгаришларнинг биринчи босқичида бозор номи ўзгартирилмоқда.
«Абу Сахий»нинг асосий дарвозаси тепасидаги «Абу Сахий савдо маркази» ёзуви «Тошкент савдо маркази»га ўзгартирилди. Комплекснинг яна уч биносидан «Абу Сахий» ёзувлари олиб ташланган, аммо ҳозирча «Тошкент» ёзуви қўйилганича йўқ.
Изоҳ (0)