АҚШ президенти Дональд Трамп виза лотереяси Америкага бошқа мамлакатлардан «ўта ёмонлар»ни олиш келишга хизмат қилаётганини таъкидлади. Бу ҳақда Оқ уй матбуот хизмати маълум қилди, деб хабар берди «Газета.ru».
Президентнинг таъкидлашича, террорчилар жорий йил ичида Нью-Йоркда иккита ҳужумни амалга оширган. Унинг сўзларига кўра, биринчи террорчи мамлакатга занжир миграцияси орқали, иккинчиси эса — виза лотереясида омади чопгани сабаб кириб келган.
У лотереяни бекор қилиш керак эканлигини яна бир бор таъкидлади.
Аввалроқ, Дональд Трамп Конгрессни бунга «дарҳол аралашишга» ва Вашингтон маъмуриятига ушбу масалада ёрдам беришга чақирган эди.
АҚШ президенти 31 октябрда ҳам Нью-Йоркда ўзбекистонлик фуқаро Сайфулло Соипов томонидан амалга оширилган терактдан сўнг бу каби чорловлар билан чиқиш қилган эди.
Изоҳ (0)