Исроил полицияси билан тўқнашувларда 4 нафар фаластинлик ҳалок бўлди, 888 киши яраланди. Бу ҳақда Фаластин Қизил ярим ой жамияти матбуот котиби Эраб ал-Фуқаҳо маълум қилди, дея хабар беради «РИА Новости».
«Ғазо секторида икки, Рамалла ва Қуддусда бир кишидан, жами 4 нафар фаластинлик Исроил аскарлари томонидан ўлдирилди. Иордан даёсининг ғарбий қирғоғи ва Қуддусда 661 киши яраланди, яна 227 киши Ғазо секторида жароҳат олди. Улардан 10 нафари оғир жароҳат олган», — деди ал-Фуқаҳо.
АҚШ президенти Дональд Трампнинг Қуддусни Исроил пойтахти сифатида тан олиш ҳақидаги қароридан сўнг авж олган намойишчилар ва Исроил хавфсизлик кучлари ўртасидаги тўқнашувлар бир ҳафтадан ошиқ вақтдан бери давом этмоқда.
Изоҳ (0)