Буюк Британиянинг Вулвергемптон шаҳрида яшовчи 22 ёшли блогер ўз бошини микротўлқинли печга «цементлади», бироқ ундан мустақил халос бўла олмади, унга ўт ўчирувчилар ёрдамга келди. Бу ҳақда TJournal хабар берди.
Блогер етти қоп шпаклёвкани аралаштирган ва аралашмани микротўлқинли печга қуйган. У бошига нафас олиш учун қувурча ўрнатилган пакетни кийган, бошини печнинг ичига тушириб, аралашма қуришини кута бошлаган. Жараённи тезлаштириш учун унинг дўстлари аралашмани фен билан қуритган.
Йигит микротўлқинли печдан қуйма учун шакл сифатида фойдаланмоқчи бўлган, бироқ ундан мустақил чиқа олмаган. Блогернинг дўстлари унинг бошини чиқариб олиш учун бир ярим соат уринган, бироқ буни уддалай олмагач, ўт ўчирувчиларни чақирган.
Ўт ўчирувчиларнинг маълум қилишича, бу кулгили кўринса ҳам, йигит бўғилиб қолиши ёки жиддий жароҳат олиши мумкин эди. Печни олишга муваффақ бўлинган, бироқ операцияни тўғри ўтказиш учун қутқарувчилардан маслаҳат сўралган. Операция бир соат давом этган.
Блогернинг YouTube’да ўз канали бор. У бунга қадар ваннага кириб, ўзининг устидан қурилиш кўпигини қуйган, бир сутка музлатгичда ўтирган, совуқ кофе билан ёғоч бочкага сакраган ва қорайиш учун мўлжалланган воситада ванна қабул қилган.
Изоҳ (0)