Самарқанд қишлоқ хўжалиги институтида Ўзбекистон Республикаси Олий ва ўрта махсус таълим вазирлиги ҳамда Қишлоқ ва сув хўжалиги вазирликларининг ўзаро келишувларига мувофиқ 2017 йил 27—28 ноябрь кунлари Европа Иттифоқининг «SPHERА: Осиёда соғлиқни сақлаш тизимида инженерия ва унга боғлиқ соҳаларда таълимни профессионализациялашни қўллаб қувватлаш» лойиҳаси доирасида семинар-тренинг бўлиб ўтди. Бу ҳақда институт матбуот хизмати хабар бермоқда.
Семинарда Лиссабон университети (Португалия), Овьедо университети (Испания), EDEX – Такомиллаштирилган таълим корпорацияси (Кипр), Стаффордшир университети (Буюк Британия), Покхара университети ҳамда Трибхуван университетлари (Непал), Самарқанд давлат тиббиёт институти, Тошкент ахборот ва технологиялари университети Самарқанд филиалларидан бир қатор прoфессор-ўқитувчилар қатнашди.
Семинарда ҳар бир ҳамкор давлат университетлар лойиҳа борасида қилаётган ишлар ҳақида йиғилганларга ўз тақдимотлари билан атрофлича маълумотлар берди.
Ташкил этилган икки кунлик семинарда ҳамкор давлат университетлари профессор-ўқитувчилар Самарқанд шаҳрини зиёрат қилиб, қадимий обидалар, музейлар, мақбараларда бўлди.
Семинар сўнгида бир қатор масалалар юзасидан аниқ хулосаларга келиниб, келгусидаги қилиниши керак бўлган ишлар борасида келишиб, ҳамкорлик алоқаларини янада мустаҳкамлаш ҳақида ҳам тўхталиб ўтилди.
Изоҳ (0)