Немис олимлари одам ўрмонга қанча яқин яшаса, бу унинг онгига шунча ижобий таъсир кўрсатади деган хулосага келди.
Ўрмон хавотирлик ва салбий ҳиссиётларни бартараф қилади
Немис тадқиқотчилари ўрмон яқинида яшаш мия фаолиятини кучайтириши ва мияни соғломлаштиришини исботлади. Олимларнинг аниқлашича, дарахтлар миянинг ҳиссиётларимизни назорат қилувчи қисмига ижобий таъсир кўрсатиши туфайли ҳиссий танглигимиз йўқолар экан.
Гап амигдал ёки бодомсимон жисм тўғрисида бормоқда. Мияда улар иккита — ҳар бир ярим шарда биттадан. Бу соҳалар ҳиссиёт, хотира ва қарор қабул қилишнинг шаклланишида асосий рол ўйнайди.
Катта шаҳардаги стресс
Шаҳар аҳолиси аллақачон руҳий касалликлар: депрессия, ваҳима ва ҳатто шизофренияга дучор бўлиш хавфи бўлган гуруҳга айланган. Шаҳарликлар табиат қўйнида яшовчиларга қараганда руҳият билан боғлиқ муаммолардан кўпроқ азият чекади.
Шовқин, ифлосланиш ва унчалик катта бўлмаган жойда жойлашган кўп сонли одамлар ҳам шаҳарликларда сурункали стресснинг пайдо бўлишига сабаб бўлиши мумкин.
Миянинг саломатлиги атроф-муҳитга боғлиқ
«Миянинг мутаносиблигини аниқлаш борасидаги тадқиқотлар ўраб олган муҳит миянинг тузилиши ва вазифасини шакллантириши мумкинлигини тасдиқлайди. Айнан шунинг учун бизни мияни ривожлантириш учун ижобий самара кўрсатиши мумкин бўлган атрофдаги муҳитнинг шароити қизиқтиради», — дейди тадқиқотнинг етакчи муаллифи, Гамбург-Эппендорф Университети Тиббиёт маркази доктори Симоне Кун.
Унинг айтишича, қишлоқ жойларида яшовчи одамларни кузатиш табиатга яқин яшаш руҳий саломатлик ва бардамлик учун яхши эканлигини кўрсатди.
Соғлиқ — бу тоза ҳаво
Олинган маълумотлар тоза ҳавода бўлиш кўтаринки кайфият билан билан боғлиқ эканлигининг исботини тўлдиради. Табиат билан доимий алоқа иммун тизими фаолиятимизни ва бардамлигимизни яхшилашга ёрдам беради.
Аввалги тадқиқотлар, ўрмон ҳавосининг одам организмида катта миқдорда саратон ва бошқа касалликларга қарши курашувчи иммун ҳужайраларининг пайдо бўлишига ёрдам беришини кўрсатган эди.
Шунингдек яшил зоналарга яқин жойларда яшаш семириш ёки депрессия хавфини камайтириши ҳам аниқланган.
Европа эколог олимлари институти ўрмон бевақт ўлим эҳтимолини 16 фоизга пасайтириши мумкинлигини билдирди.
Тадқиқотчилар ўрмоннинг саломатликка фойдаси фитонцидлар деб аталувчи эфир ёғлари туфайли деган хулосага келди. Маълуб бўлишича, уларни ўзини микроблар ва ҳашаротлардан ҳимоя қилиш учун дарахтлар чиқаради.
Манба: Rambler Weekend
Изоҳ (0)