Афғонистон Ислом Республикаси Президенти Муҳаммад Ашраф Ғани Ҳазрати Имом мажмуасига ташриф буюрди. Бу ҳақда Ўзбекистон Республикаси Президентининг расмий веб-сайти хабар бермоқда.
Олий мартабали меҳмонга бу ердаги масжид ва мақбараларнинг тарихи ҳақида маълумот берилди.
Афғонистон Президенти мажмуада сақланаётган Усмон мусҳафи ва бошқа тарихий-маърифий ёдгорликларни зўр қизиқиш билан томоша қилди.
Ашраф Ғани Президент Шавкат Мирзиёев томонидан ислом динини ўрганиш, унинг асл инсонпарварлик моҳиятини тарғиб этиш борасида олиб борилаётган ишларга юксак баҳо берди.