Жорий йилни август ойини охирида Россиянинг «Аванти» тадбиркорлар уюшмаси Марказий банкка Владимир Путинни тасвири туширилган чекланган миқдордаги купюраларни босиб чиқариш таклифини билдирган эди. Ноябрь ойи охирида «Аванти» президенти Рахман Янсуковга Марказий банкдан жавоб хати келди, деб хабар берди «РБК».
«Мавжуд анъаналарига кўра, Россия банки банкноталарида мамлакатнинг амалдаги сиёсатчилари ва жамоат арбобларининг суратларидан фойдаланилмайди», — дейилади Россия банкининг надқ пул муомаласи бўлими директори Александр Юровнинг жавоб мактубида.
Жавоб хати 25 августда ёзилган бўлиб, кейинроқ Юров нафақага чиқиб кетган ва 9 октябрь куни унинг ўрнини Александр Лахтиков эгаллаган.
Банкнота дизайни устида Россия банки ва «Гознак» АЖ рассомлари томонидан ишланган.
«Аванти» президенти Янсуковнинг фикрича, янги банкнотанинг жорий этилиши рус жамиятини бирлаштиради ва фуқароларда «пул воситаларига бўлган маданият даражаси»ни оширади.
«Фикримча, ушбу ҳолатда ‘юзага келган вазият’ сабабли истисно қўлланилса бўлади, ахир Владимир Путин бутун рус халқини халқаро санкциялар даврида бирлаштирган бизнинг миллий етакчимиз. Менимча, ушбу ташаббус Ватанимиз аҳолисининг аксарият қисми томонидан қўллаб-қувватланади», — дейди Янсуков.
2017 йилнинг 12 октябри куни Россия Марказий банки 200 ва 2000 рубль қийматидаги банкнотларни муомалага киритган эди.
Изоҳ (0)